Թոքի քաղցկեղի արդի խնդիրները
Ուռուցքաբանության ազգային կենտրոնում օգոստոսի 1-ին մեկնարկեց «Թոքի քաղցկեղի արդի խնդիրները» խորագրով գիտաժողովը, որն անցկացվում է «Թոքի քաղցկեղի կանխարգելման օրեր Հայաստանում» բարեգործական միջոցառումների շարքում՝ Թոքի քաղցկեղի համաշխարհային օրվան ընդառաջ:
Միջոցառումը կազմակերպվել է Ուռուցքաբանության ազգային կենտրոնի և Հայկական հակաքաղցկեղային լիգայի կողմից: Այն իրականացվում է «Երիտասարդ բժիշկների հայկական ասոցիացիայի» և «Ռադիոլոգների հայկական ասոցիացիայի» մասնակցությամբ և ՀՀ առողջապահության նախարարության և Երևանի քաղաքապետարանի աջակցությամբ:
«Գիտաժողովն առաջին հերթին կարեւոր է առաջնային օղակի մասնագետների համար», նշել է Գրիգոր Բադալյանը` գիտաժողովի կազմակերպիչներից մեկը.-«գիտաժողովին բոլոր մասնագետները կարող են ծանոթանալ թոքերի քաղցկեղի ախտորոշման եւ բուժման, ինչպես նաեւ դրա կանխարգելման ոլորտում բոլոր նորություններին: Համաժողովին մասնակցում են նաեւ քիմիաթերապեւտներ, ճառագայթաբաններ, ուռուցքաբաններ շրջաններից»:
Գիտաժողովի ընթացքում ներկայացվեցին թոքի քաղցկեղի ռենտգեն, բջջաբանական, ԿՏ ախտորոշման, վիրահատական բուժման, ճառագայթային թերապիայի, թոքի նորագոյացությունների տրանսթորակալ բիոպսիայի և թոքի ոչմանրբջջային քաղցկեղի քիմիաթերապիայի և թարգետ թերապիայի հնարավորությունները:
Միջոցառման շրջանակներում՝ օգոստոսի 2-3ը, վտանգի խմբում գտնվող անձինք հնարավորություն ստացան կրծքավանդակի անվճար ռենտգեն հետազոտություն անցնել՝ քաղցկեղի եւ այլ պաթոլոգիաների ժամանակին հայտնաբերելու նպատակով:
Այլ նորություններ
03 / 24
ESOR VPP to Armenia. Pediatric Radiology
03 / 22
ESOR ARMENIA 2022
11 / 21