Ասոցիացիայի 2017թ. նիստ

Հունիսի 10-ին կայացավ Ռադիոլոգների հայկական ասոցիացիայի տարեկան ժողովը, որի ընթացքում ամփոփվեցին տարվա աշխատանքները և քննարկվեցին հետագա անելիքները:

Զեկույցով հանդես եկան ասոցիացիայի նախագահ, բգթ Կոստան Գալումյանը, ասոցիացիայի փոխնախագահ, ԵՊԲՀ հետբուհական կրթության գծով պռորեկտոր, բգթ, դոցենտ Գառնիկ Ավետիսյանը և ՀՀ գլխավոր ճառագայթաբան, բգթ Գեղամ Աղաբեկյանը:

Մեկ տարվա գործունեության ընթացքում ասոցիացիային անդամագրվածների թիվը հասել է 215-ի՝ ընդգրկելով ՀՀ բոլոր մարզերը և ԼՂՀ, կազմակերպել են տեղական և միջազգային մի շարք գիտաժողովներ, դասընթացներ:

Տարին նշանակալից էր հատկապես այն առումով, որ Ռադիոլոգների հայկական ասոցիացիան դարձավ Ռադիոլոգիայի եվրոպական միության 46-րդ անդամ միությունը:

Ռադիոլոգների հայկական ասոցիացիայի վարչությունը շնորհավորում է ասոցիացիայի բոլոր անդամներին և մաղթում արդյունավետ և բեղումնալից աշխատանք:

aar-1