Համագործակցություն ESOR-ի հետ
Ռադիոլոգների հայկական ասոցիացիայի պատվիրակության՝ Ռադիոլոգիայի եվրոպական համաժողովի շրջանակներում Վիեննա այցի ընթացքում, Ռադիոլոգիայի եվրոպական դպրոցի (ESOR) տնօրեն՝ պրոֆ. Նիկոլաս Գորտսոյանիսի նախաձեռնությամբ կայացավ հանդիպում Ռադիոլոգների հայկական ասոցիացիայի նախագահ Կոստան Գալումյանի հետ: Պրոֆեսոր Գորտսոյանիսը ջերմորեն ողջունեց ասոցիացիայի գործունեությունը: Նա իր մեծ ուրախությունը հայտնեց և շնորհավորեց պրն Գալումյանին՝ Ռադիոլոգների հայկական ասոցիացիայի՝ Ռադիոլոգիայի եվրոպական միության ազգային անդամ-միություն դառնալու կապակցությամբ:
Հանդիպման ընթացքում քննարկվեցին համագործակցության տարբեր հարցեր:
Պրոֆեսորը նաև նշեց, որ մեծ ցանկություն ուներ Հայաստան այցելելու, և շատ ուրախ է, որ այդ ցանկությունը կիրականանա Երևանում անցկացվող ESOR-ի դասընթացի շրջանակներում:
ESOR-ի հայտնի ծրագրերից՝ Որովայնային պատկերման ASKLEPIOS խորացված դասընթացը կանցկացվի Երևանում հունիսի 29-30-ը: Դասընթացը նախատեսված է Ռուսաստանի և ԱՊՀ երկրների ճառագայթաբանների համար: Դասընթացի ծրագրին և այլ մանրամասներին ծանոթացեք ESOR-ի պաշտոնական կայք էջում:
Պրոֆեսորը սիրով նշեց, որ մոտ ապագայում Ռադիոլոգների հայկական ասոցիացիայի հետ համատեղ կկազմակերպվեն ուսուցողական այլ միջոցառումներ:
Այլ նորություններ
03 / 24
ESOR VPP to Armenia. Pediatric Radiology
03 / 22
ESOR ARMENIA 2022
11 / 21