IDOR-2018 Հայաստան
Ինչպես հայտնի է, նոյեմբերի 8-ին ողջ աշխարհում նշվում է Ռադիոլոգիայի միջազգային օրը, որն ամեն տարի ունենում է հատուկ թեմա: Այս տարվա թեման սրտի պաթոլոգիաների ճառագայթային ախտորորշումն էր:
Այս կապակցությամբ Ռադիոլոգների հայկական ասոցիացիան Նորք-Մարաշ ԲԿ-ի հետ համատեղ կազմակերպեց «Սրտի պաթոլոգիաների ճառագայթային ախտորոշում» խորագրով գիտակրթական սեմինարը:
Սեմինարի ընթացքում ելույթ ունեցան սրտային վիրաբույժ Գագիկ Հեբոյանը, ինտերվենցիոն կարդիոլոգ Մերուժան Սաղաթելյանը և բժիշկ-ճառագայթաբան Մարինա Դավթյանը Նորք Մարաշ ԲԿ-ից, ինչպես նաև ՌՀԱ նախագահ Կոստան Գալումյանը և բժիշկ-ճառագայթաբան Աննա Ֆրանգուլյանը:
Միջոցառման շրջանակներում տեղի ունեցավ առանձին հանդիպում Ասոցիացիայի նախագահ Կոստան Գալումյանի, քարտուղար Նարեկ Մատինյանի և Նորք- Մարաշ ԲԿ-ի տնօրեն Միքայել Ադամյանի միջև, որի ընթացքում քնարկվեցին հետագա համագործակցության հնարավորությունները:
Ռադիոլոգիայի միջազգային օրվան հատուկ պատրաստվել էին նաև Քաջարանի Բժշկական Կենտրոնի մասնագետները, որոնք այդ օրը հիվանդներին ընդունեցին անվճար հետազոտության:
Կենտրոնի մասնագետները` սոնոգրրաֆիստ Մարատ Քարամյանը, Թամարա Վարդազարյանը և ռենտգեն տեխնիկ Կադրաստ Փարսադանյանը Կենտրոն դիմած բոլոր հիվանդներին բացարձակ անվճար հետազոտեցին բարձրակարգ ախտորոշիչ սարքավորումներով:
Հատուկ շնորհակալություն Քաջարանի Բժշկական Կենտրոնի բոլոր մասնագետներին` հրաշալի նախաձեռնության համար, ինչպես նաև Նորք-Մարաշ ԲԿ-ի ողջ անձնակազմին, ի դեմս տնօրեն Միքայել Ադամյանի` ջերմ ընդունելության և արդյունավետ հանդիպման համար:
Այլ նորություններ
03 / 24
ESOR VPP to Armenia. Pediatric Radiology
03 / 22
ESOR ARMENIA 2022
11 / 21