Պրոֆ.Ստուպիսը Երևանում

Սեպտեմբերի 15-ին Երևանում կայացավ Ռադիոլոգների հայկական ասոցիացիայի կողմից կազմակերպված «Որովայնի օրգանների անհետաձգելի ճառագայթային աշխտորոշում» խորագրով սեմինարը, որի հիմնական դասախոսն էր Շվեյցարիայից ժամանած Խրիստոֆորոս Ստուպիսը:

Բացման և ողջույնի խոսքով հանդես եկան ՌՀԱ քարտուղար Նարեկ Մատինյանը և ԱՆ բժշկական ախտորոշիչ ճառագայթաբանության գծով խորհրդատու Գեղամ Աղաբեկյանը:

: Narek Matinyan

: Gegham Aghabekyan

Սեմինարն աչքի ընկավ գրանցվող ռադիոլոգների աննախադեպ ակտիվությամբ: Մասնակիցների թվում էին ինչպես Երևանում, այնպես էլ մարզերում գործունեություն ծավալող տասնյակ ռադիոլոգներ:

Սեմինարի առաջին մասը բաղկացած էր որովայնի օրգանների անհետաձգելի ճառագայթային ախտորոշման վերաբերյալ դասախոսություններից, որին հաջորդեց վարպետաց դասը: Սեմինարի վերջում դասախոսին ներկայացվեցին կլինիկական դեպքեր, որոնց շուրջ լսարանը ծավալեց քննարկումներ և հնչեցին եզրակացություններ:

Խրիստոֆորոս Ստուպիսը շնորհակալություն հայտնեց Ռադիոլոգների հայկական ասոցիացիային հրավերի և հյուրընկալության համար: Նա հատուկ շնորհակալություն հայտնեց նաև ներկա բոլոր ռադիոլոգներին ակտիվ մասնակցության համար` պատրաստակամություն հայտնելով հետագայում կրկին հանդես գալ դասախոսություններով: