IDOR-2017
Նոյեմբերի 8-ին, Ռադիոլոգիայի եվրոպական ասոցիացիայի, Հյուսիսային Ամերիկայի ռադիոլոգիայի ասոցիացիայի և Ռադիոլոգիայի ամերիկյան քոլեջի նախաձեռնությամբ կնշվի Ռադիոլոգիայի 6-րդ ամենամյա միջազգային օրը:
Նախորդ տարի գլխավոր թեման կրծքագեղձի ճառագայթաբանությունն էր, իսկ IDOR-2017-ը նվիրված է անհետաձգելի ճառագայթաբանությանը:
Անհետաձգելի ճառագայթաբանությունը ճառագայթային ախտորոշման բավականին երիտասարդ ենթաճյուղ է, որը վերջին տարիներին ահռելի կարևություն է ձեռք բերել: Անհետաձգելի բուժօգնության կլինիկական դեպքերի մեծ մասը պահանջում է ճշգրիտ և շտապ ախտորոշումներ և որոշումների կայացում, ինչն էլ արդյունավետորեն ու որակյալ կերպով ապահովում է անհետաձգելի ռադիոլոգիան:
Տոնին ընդառաջ, Ռադիոլոգիայի եվրոպական ասոցիացիան հարցազրույց է անցկացրել մի շարք երկրների անհետազձգելի ճառագայթաբանության առաջատար մասնագետների հետ:
Ռադիոլոգների հայկական ասոցիացիայի առաջարկով Հայաստանից հարցազրույցին մասնակցեց Էրեբունի ԲԿ-ի ռադիոլոգիայի բաժանմունքի վարիչ, ԵՊԲՀ դասախոս, ՌՀԱ անդամ, բգթ Լուսիներ Հակոբյանը: Հարցազրույցը կարդացեք այստեղ:
Այլ հարցազրույցներին ծանոթացեք ռադիոլոգիայի միջազգային օրվան նվիրված կայքէջում:
Այլ նորություններ
03 / 24
ESOR VPP to Armenia. Pediatric Radiology
03 / 22
ESOR ARMENIA 2022
11 / 21